Embedded Files
Diwrnod prysur i'r Côr - Dydd Sadwrn Tachwedd 23ain 2025
Bu'r Côr yn hynod brysur ar ddydd Sadwrn, Tachwedd 23ain, gan berfformio mewn dau leoliad.
Perfformiad yng Ngŵyl Nadolig Dinefwr dros amser cinio lle'r oedd y 'mince pies' a’r gwin poeth a gynigiwyd yn hyfryd ac yn ychwanegu at yr awyrgylch.
Yna aeth y côr ymlaen i dref Caerfyrddin i ddiddanu torf enfawr a wnaeth ymgynnull cyn i oleuadau Nadolig y dref gael eu troi ymlaen. Cafodd y dorf flas ar ganeuon Nadoligaidd hudolus a gododd ysbryd pawb ar ddiwrnod lle'r oedd y tywydd yn ddigon diflas.
Golau Nadolig Tref Caerfyrddin -2025
Golau Nadolig Tref Caerfyrddin -2025
Ffair Nadolig Dinefwr - 2025
Ffair Nadolig Dinefwr - 2025
Aelod o'r côr yn codi ymwybyddiaeth o Niwrowahaniaeth.
"Corwynt" yw disgrifiad Vicky Powner, aelod o Gôr Seingar o'i theimladau pan gafodd hi ddiagnosis o awtistiaeth yn 2023.
"O'n i'n confused am pam nag o'dd e wedi cael ei bigo lan cyn 'ny. O'dd dicter, o'n i'n grac, o'dd shwt gyment o emosiyne'," dywedodd.
"Mae e'n alar am beth gallen i wedi bod fel, a pha mor wahanol galle' 'mywyd i 'di bod pe bai fi ond yn gwbod bo' fi jyst bach yn wahanol a bod hwnna'n ok."
Yn ôl Vicky, roedd sefyllfaoedd cymdeithasol yn anodd iddi, a rheoli emosiynau hefyd yn her.
Vicki gyda Non Parry
Vicki gyda Non Parry
Fe wnaeth Non a Vicky gwrdd ar ôl cael diagnosis o awtistiaeth tua'r un pryd
Vicki yn Eisteddfod Pontypridd
Vicki yn Eisteddfod Pontypridd
Roedd Eisteddfod Genedlaethol Pontypridd yn "drobwynt rili bositif" iddi o ran derbyn y diagnosis awtistiaeth.
Darllenwch mwy yma:- Cynnydd awtistiaeth oedolion yn arwydd bod 'system wedi methu' - BBC Cymru Fyw
Aelod o'r côr Dr Sioned Richards
Arweinydd clinigol gofal canolradd (intermediate care) Bwrdd Iechyd Hywel Dda.
Beth yw dy swydd bresennol?
Teitl fy swydd yw arweinydd clinigol gofal canolradd (intermediate care) bwrdd iechyd Hywel Dda. Rwy’n arwain tîm sy’n gwasanaethu Sir Gar, a hefyd yn gyfrifol am ddatblygu gwasanaethau yn Sir Benfro a Cheredigion ac yn genedlaethol.
Beth yw gofal canolradd?
Mae gofal canolradd yn ystod o wasanaethau tymor byr sy’n helpu pobl i wella ar ôl cyfnod o salwch neu ddamwain. Gellir ei ddarparu ar ôl gadael yr ysbyty, neu pan fydd risg o orfod mynd i’r ysbyty. Yn syml, pwrpas gofal canolradd yw gofalu am unigolion yn eu cartrefi eu hunain yn hytrach na mewn gwely ysbyty, pan fod hi’n ddiogel i wneud hynny.
Dr Sioned Richards
Dr Sioned Richards
Papur Bro - Cwlwm
Cliciwch i wrando ar sgwrs gyda Dr Sioned
Darllenwch yr erthygl yn llawn isod.
Jobyn o waith - Sioned Richards.pdfAelodau Seingar yn lawnsio llyfrau.
Neil Rosser
Fflur Dafydd
Noson lawnsio llyfr Neil Rosser
'Wythnos Ryfedd Gwilym Puw'
Noson lawnsio llyfr Fflur Dafydd
'The House of Water'
Aelod Seingar yn Faer Tref Caerfyrddin 2025 -26 - Heledd ap Gwynfor
Heledd ap Gwynfor
Heledd a'r teulu
Aelod Seingar yn canu ar hysbyseb 'Hawkstone Lager' gyda Jeremy Clarkson.
Iechyd da Eirion!
Recordio hysbyseb - Hawkstone Lager
Eiron gyda Kaleb Cooper
Iechyd da i Jeremy a Eirion
Er cof am aelod ffyddlon a ffrind annwyl i bawb.
Cymeriad egniol a byrlymus a'i brwdfrydedd a'i hwyl yn heintus. Nid oes geiriau...
Siân Axford
Mae yna wagle enbyd wedi ei adael ymhlith aelodau Côr Seingar. Gyda thristwch mawr yr ydym oll yn cydymdeimlo â theulu Siân Axford a fu farw ar Awst 24ain 2021. Roedd Siân yn aelod ffyddlon o’r Côr ac yn ffrind annwyl iawn i ni ers dros ddegawd.
Cefnogodd waith y Côr yn selog ac yn gydwybodol ac roedd bob amser yn barod ei chymwynas. Byddwn yn gweld eisiau’r wên garedig, y sgwrsio diddorol, a'r hwyl a'r sbri a oedd yn gysylltiedig â hi bob amser.
Roedd hi’n gaffaeliad mawr i ni fel Côr, i’r ysgol lle roedd hi’n dysgu, ac i dref Caerfyrddin. Hoffwn estyn ein cydymdeimladau dwysaf at Richard, Carwyn a Tomos a'r teulu i gyd, ar ran holl aelodau Côr Seingar.
Seingar yn newid gwisg a delwedd yn 2018!
Llun gan PhotosCymru.com 2018
Caron Thomas - Meistres y Gwisgoedd
"Mae'n hen bryd i Seingar gael gwisg a delwedd newydd. Navy a Nude amdani!"
Mae’r flwyddyn 2018 wedi bod yn un prysur a llwyddiannus iawn i’r côr – ac rydym wedi mwynhau pob eiliad!
Mae’r Côr wedi cystadlu mewn nifer o eisteddfodau yn lleol ac yn genedlaethol, gan fod yn ddigon ffodus cael cyntaf yn eisteddfodau Llangadog a Llandudoch, ac i goroni’r cyfan cael trydydd yn yr Eisteddfod Genedlaethol ym Mae Caerdydd.
Profiad hyfryd oedd cael canu ar lwyfan Theatr Donald Gordon a chael derbyn canmoliaeth am ganu Yr Oenig ac O Fab y Dyn. Derbyniom ganmoliaeth hefyd am fod yr unig gôr i beidio gwisgo du o’r 7 côr fu’n cystadlu! Mae Côr Seingar bellach â gwisg newydd – nêfi a nude / brown.
Rydym wedi canu mewn nifer o gyngherddau yn ystod y flwyddyn. Yn ogystal â chanu yng nghyngerdd drefnwyd gan Coda Ni yn y Priordy yng nghwmni’r canwr Cristnogol Garth Hewitt, roedd hi’n fraint cael bod yn rhan o ddathliadau papur Cwlwm yn ddeugain a chael rhannu llwyfan a chân gyda Caryl Parry Jones, tra’n canu cân gyfansoddwyd gan ei thad, Rhys Jones, O Gymru wrth gwrs.
Arwr arall yn y byd canu Cymraeg bu’r côr yn rhannu llwyfan ag e, yw Dafydd Iwan. Buom yn canu ar raglen arbennig o Noson Lawen yn dathlu penblwydd arbennig Dafydd Iwan.
Gwych iawn oedd cael gŵyl Gymraeg yn y dref yn ystod yr haf eleni, ac roeddem wrth ein bodd fel côr i gael cymryd rhan ar brif lwyfan Gŵyl Canol Dre.
Noson tra wahanol oedd canu yng nghlwb criced Bronwydd i gynulleidfa o gricedwyr o Awstralia. Fe ddychwelom i Bronwydd am yr ail waith, i ganu ar y trên stêm mewn noson ‘Gymreig’ – profiad eithaf unigryw oedd cyd-sefyll i ganu a’r trên yn symud nôl a blaen!
Derbyniom wahoddiad i ganu mewn cwrdd diolchgarwch yn Pandy fu’n hyfryd iawn. Yna ddiwedd fis Hydref, buom yn canu yn nathliadau agor Canolfan Yr Egin yn y dref ac yna cerdded lan o ganol y dref i’r Ganolfan.
Dechrau fis Tachwedd buom yn canu yn Theatr y Lyric mewn cyngerdd arbennig i goffau’r rhyfel byd cyntaf yng nghwmni Shan Cothi, Cor Meibion Dunvant, Grŵp Celfyddydau Perfformio Dancerama, Band Pibau Abertawe a Chorfflu Drymiau Sgwadron 215 Abertawe.
Page updated
Google Sites
Report abuse