Elusennau

Mae Cor Seingar yn frwdfrydig iawn i gefnogi elusennau lleol a chenedlaethol, gan ymroi'n llwyr i godi ymwybyddiaeth a chefnogi amrywiaeth o achosion da.

Cyngerdd -Neuadd San Pedr yng Nghaerfyrddin 20fed Ebrill 2024.

Codi £2,200 ar gyfer Uned Ddydd Cemotherapi Ysbyty Glangwili er cof am aelod ffyddlon o’r côr sef Sian Axford.

Yr Artistiaid gwadd oedd y tenor a’r canwr opera Robyn Lyn Evans, y Pibydd Gwyddelig Christy McCarthy a disgyblion Ysgol y Dderwen.

Lansiodd y côr gryno ddisg newydd, ‘Eilia2’, yn cynnwys 12 o draciau poblogaidd ac adnabyddus a recordiwyd yn Stiwdio Sonic One - Llangennech.

Roedd y cyngerdd yn llwyddiant ysgubol a gwerthwyd pob tocyn. Hoffai Seingar ddiolch i’r artistiaid dawnus a gefnogodd y côr yn y cyngerdd, haelioni busnesau lleol am eu nawdd caredig a’u rhoddion, cyngor y dref am ddefnydd y neuadd, y gwirfoddolwyr a gefnogodd y noson, a’r gynulleidfa werthfawrogol, llawer ohonynt yn gefnogwyr brwd i Gôr Seingar.

Siân Axford

Trefnwyd y cyngerdd er cof am aelod o’r côr, Siân Axford, a gollodd ei brwydr gyda chanser y fron. Roedd Siân yn aelod brwdfrydig a phoblogaidd o adran soprano y côr ac mae colled fawr ar ei hôl.

Dywedodd Nicola Llewelyn, Pennaeth Elusennau Iechyd Hywel Dda: “Diolch i Gôr Seingar am godi swm mor anhygoel i’r Uned Ddydd Cemotherapi yng Nglangwili, mae’n deyrnged fendigedig i Siân.

“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”

I gael rhagor o fanylion am elusen y GIG a sut y gallwch chi helpu i gefnogi cleifion a staff lleol y GIG, ewch i:www.hywelddahealthcharities.org.uk

Aelodau Seingar yn Rhwyfo o Iwerddon i Gymru

Anodd credu bod 15 mlynedd ers yr her yma. Rhwyfo Currach o’r enw 'Bendigeidfran' ar draws Môr Iwerddon gan godi £6,000 tuag at Ambiwlans Awyr Cymru.

'Bendigeidfran' y Currach Gwyddelig

Heulyn Roderick, Neil Rosser, Meredudd Jones,

Bendigeidfran

Gadael harbwr Rosslare - Iwerddon

Cliciwch yma i weld yr hanes.

Llyfrau Llafar Cymru

Cyflwyno siec - £1,000 ar gyfer LLYFRAU LLAFAR CYMRU wedi perfformiad Côr Seingar a Chôr Tŷ Tawe- 'Y Croeshoeliad' gan John Stainer yng nghapel Y Priordy, Caerfyrddin - Mawrth 24ain 2019.

Diwrnod i godi ymwybyddiaeth Syndrom Down.

Mawrth 21ain 2019. Diwrnod i godi ymwybyddiaeth Syndrom Down.

Gydag Erin fach, merch i aelod o’n tenoriaid, Carwyn, gyda’r syndrom bu aelodau o’r côr yn rhannu lluniau ohonom yn gwisgo sanau arbennig, sanau lliwgar a phatrymog gyda’r arian yn mynd at gymdeithas Syndrom Down.

Gwerthwyd 140 pâr o sanau a llwyddwyd i godi £540 i Gymdeithas Syndrom Down. Rhagorol @CorSeingar, @CapelYPriordy a staff @ysgolydderwen #codiymwybyddiaeth

Ysbyty Glangwili Caerfyrddin

Penderfynodd y côr roi holl elw gwerthiant y CD sef 'Eiliad' i ward y plant - Cilgerran yn Ysbyty Glangwili.

Cyflwyno Teledu i Ward y Plant sef Cilgerran - Rhagfyr 2018

Ariannwyd y rhodd gan elw cynhyrchu :-

CRYNO DDISG SEINGAR

Ar noson dywyll, gwlyb yn mis Rhagfyr, aeth Côr Seingar i ward y plant i ganu carolau ac i gyflwyno sgrîn deledu fawr yn ol dymuniady wared arbennig yma. Hoffwn fel aelodau ddatgan diolch enfawr i holl staff y ward arbennig hon, mae plant nifer o’r aelodau wedi bod ar sawl ymweliad i’r ward – adnodd amhrisiadwy.

Mae Côr Seingar yn awyddus i gefnogi elusennau lleol, sirol a chenedlaethol.

Mae'r Côr wedi cefnogi'r elusennau canlynol:-

Apêl Hosbis Tŷ Cymorth a Chapel Heol Dŵr

Cylch Meithrin Bethania, Tŷ Cymorth Caerfyrddin, Apêl Plant Mewn Angen S4C

Cymdeithas y Deillion - Caerfyrddin, Cymdeithas Cyfeillion Ysbyty Glangwili

Apêl Eisteddfod Genedlaethol yr Urdd, Apêl Clefyd y Siwgr

Un o'r tenoriaid yn beicio o amgylch Cymru ac Iwerddon i godi arian tuag at Apel Ambiwlans Awyr Cymru.

Caerfyrddin - Abergwaun- Rosslare- Dulyn- Caergybi- Dolgellau - Caerfyrddin

Roedd Heulyn yn rhan o dím o 7 o feicwyr profiadol a wnaeth gyflawni'r daith o 350 milltir mewn 4 diwrnod.

Heulyn Roderick

Apêl Hosbis Tŷ Cymorth a Chapel Heol Dŵr

Apêl Hosbis Tŷ Cymorth a Chapel Heol Dŵr - £2273

Cyngerdd Lawnsio Cryno Ddisg Newydd Seingar - EILIAD + Y Ddau Fariton,

Eleri Owen Edwards a Meinir Jones Parry

Capel Heol Awst

Cyflwyno siec o £250 i Gylch Meithrin Bethania –

Yn y llun gwelir rhai aelodau’r cor, Iwan Evans, Delyth Jones, Lois Gibbon a Nicky Roderick yn cyflwyno siec o £250 i Enfys Spiers, arweinydd y Cylch a Christine Jones, cadeirydd pwyllgor y Cylch.

Yn y llun (chwith i’r dde):Trefor Jones (Cadeirydd), Mwynwen Jones (Trysoryddes), Nicki Roderick (Arweinyddes), Catherine Davies (Ysgrifenyddes) yn cyflwyno Siec - £2,000 i 'r Parchedig Beti Wyn James yn dilyn Cyngerdd a drefnwyd gan Côr Seingar tuag at Apêl Tref Caerfyrddin, Eisteddfod Genedlaethol yr Urdd, Sir Gâr

Mae’r Côr am ddiolch o galon i Faer y dref,am ein ganiatad i ddefnyddio’r neuadd yn ddidal. Hyn yn golygu bod yr holl elw sef £1000 yn medru ei rannu rhwng dau elusen teilwng iawn sef - 'Breakthro' Caerfyrddin a phrosiect Cymorth Cristnogol Burkina Faso - Gogledd Orllewin Affrica.

Cynhaliwyd cyngerdd cyntaf Côr Seingâr ar nos Sul 13eg o Fawrth 2005 yng Nghapel Heol Dŵr, Caerfyrddin, gydag artistiaid o Ysgol Gyfun Maes yr Yrfa hefyd yn cymryd rhan.

Pleser oedd medru cyflwyno siec gwerth £1,100 i 'Tŷ Cymorth Caerfyrddin' - elw'r noson lwyddiannus honno. Hoffai Côr Seingar ddiolch i bawb a gyfrannodd ac a ddaeth i gefnogi’r Côr a'r achos teilwng hwn.

Yn y llun, gwelir Nicki Roderick, arweinyddes Côr Seingâr yn cyflwyno’r siec i Mr Brian James (Cadeirydd/Trysorydd Tŷ Cymorth Caerfyrddin.)

llun (chwith i’r dde): Dr Dewi Owen (Llywydd y noson), Mrs Jean Evans, Mr Brian James (Cadeirydd/Trysorydd Tŷ Cymorth), Mrs Wendy Evans, Mrs Non Owen, Mr Harry Lloyd, Mrs Mary Griffiths, Nicki Roderick (Arweinyddes Côr Seingâr), Meredudd Jones, Heledd ap Gwynfor.

Page updated

Google Sites

Report abuse